東涌狗咬人真相 目擊者︰實為人打狗!

29537
有目擊者指,小黑狗被對男女追打,才吠人自衛。 蘋果日報圖片
有目擊者指,小黑狗被對男女追打,才吠人自衛。 蘋果日報圖片
有目擊者指,小黑狗被對男女追打,才吠人自衛。
蘋果日報圖片

《動物專訊》前日東涌逸東村發生黑狗咬人事件,一對男女聲稱被咬,弄得漁護署在該處大肆捉狗。知情人士梁小姐向本報表示,當日有目擊者見到事發經過,目擊該對男女以行山棒攻擊該隻黑狗在先,弄得黑狗極度驚慌,亦質疑黑狗是否有咬傷他們。她希望能為這頭小黑狗「發聲」,述說事件緣由,讓人類知道為何小狗會作出這樣的反應。

梁小姐說,該小黑狗為區內的放養流浪狗,有義工照顧,已絕育及品性純良,即使第一次見牠,牠也願意反肚任人摸,根本不是一頭惡狗。而被指咬人時,亦有義工目擊經過,「係對男女拿住行山棒打佢、攻擊佢在先,點解一面倒話佢係惡狗咬人,無了解事件因由? 隻狗如果真係咬得佢地好傷,果對男女仲唔畀記者影晒出來咩!」她說,該小狗現已由義工照顧,因漁護處目前在東涌大肆捉狗,逢見到黑狗就捉,不論牠們是否已注入晶片。

她指許多不愛狗或沒有認識的人,見到黑狗就錯覺以為牠們很惡,現在發生被指咬人事件後,漁護處不斷捉狗,她擔心會造成區內許多流浪狗狗被捉去「送死」以交數。「真的令人很氣憤! 隻狗一向都好乖,而且係度生活好多年! 一直都無咬人,但人打去佢完全無事! 卻無人諗諗,流浪狗狗的生活已經很慘!」其實,本報早前曾報道,同樣位於東涌逸東村,早前有多頭放養的流浪小狗慘被村內居民毒死,只救回2隻小狗。

狗狗無法發人語,人類卻任意以自己的語言作出「判斷」,甚至掩蓋事實「屈」狗狗,還可任意以各種不同理由扼殺其生存權利。東涌人打狗事件,若有人證,其實可報警處理,因根據現行法例,任何人士殘酷對待動物屬於違法,最高刑罰為監禁三年 。若小狗被打,咬人自衛,是誰之過?

歡迎轉載及目擊者舉報

 

 

 

 

 

 

 

 

http://hk.apple.nextmedia.com/realtime/breaking/20150116/53339597

6 COMMENTS

  1. 首先我不是來評論到底是「人打狗」還是「狗咬人」的。
    我只想指出嗰位聲稱知情嘅梁小姐,其實都不太中肯。
    1. 佢聲稱有目擊者見到,咁其實個目擊者係咪佢?
    2. 梁小姐表示該流浪狗有義工照顧和在村內放養,以我所知,逸東村嘅流浪狗係有狗牌但無屋企,即係話隻狗日日喺條街日曬雨淋。咁樣嘅方法,在狗嘅角度是不用被殺死,咁村民嘅角度呢?
    3. 文中梁小姐提及漁護署職員要捉狗交待,其實規則很清楚,他們流浪會被捉,有狗牌不會漁記殺死,拎返出嚟又繼續流浪,不幾循環。
    4. 下述為我親眼所見,義工在村內餵狗,啲狗就聚集於村內,由村外天橋餵,跟住變到村內餵,如果義工係為啲狗好,唔好引佢哋入村啦好心,遲早實出問題。
    另外,我亦曾目睹有人在跑步時,被一群流年輕的黑狗(應該係啲黑狗十零個月大嗰時)圍住吠,跑步個女人仲驚到喺度狂尖叫,當然呢家無呢個問題啦我相信。
    我又見過啲流浪狗追住其他放狗人士嘅狗(特別對大狗有反應),我諗關地盤同威脅問題事。
    咁你哋話有冇影響到其他人啦
    都係嗰句,為啲狗好就咪帶佢哋入村啦,逸東村咁多荒山野嶺。

  2. 依個問題最終咪又係d村民為求安心養狗睇門口,又唔理佢地自生自滅既果,人地義工幫你地執手尾,重叫人唔好引d狗入村。咁不如將條村全面禁止狗隻出入啦。又要驚死,又要養狗。留d難灘子,重話人地引狗入村.永遠只係識蝦弱細。

  3. 一單還一單,如果要講流浪狗問題咁不如由點解香港人尊重動物生命意識如此薄弱講起。

  4. 我返工好多流浪狗,狗係唔會無啦啦咬人,係用狗吠聲嚇走陌生.
    你怕狗個動作,都係嚇到狗架,好多無接觸過狗的人都唔係好清楚.

  5. 我住過東涌霸尾邨,附近一帶的流浪狗,生活非常有規矩,且有義工助養,我都没見過狗狗失常突然襲擊路人,有些可惡的人類,常傷害虐殺動物,天會收佢

Comments are closed.