我家「放養」的自來鴿

1164
自來鴿大花(右)和Perry(左)兩年前來到這個家,從此與家中主人建立人鴿情。

同大家介紹一下,佢兩個係我放養嘅鴿(講笑,自來的)。我叫佢做大花(右),同Perry(左)。我哋識咗都差不多年幾兩年,最多時有五隻鴿造訪,而家得番佢兩個。

記者:小菁

而家大家都幾熟,有時佢會飛近窗邊,差啲飛入屋咁say hi,我向佢哋伸手,好接近佢哋,佢哋又唔會驚。

我兩隻貓都好鍾意佢哋,一見大花同perry飛嚟,就會喺窗邊喵喵叫,係咁喵我過嚟一齊睇。

Perry雙腳有個黃色環,環上有數字,唔知係咩意思呢?佢兩隻腳都分別斷咗一隻至兩隻腳趾,但唔影響佢行路嘅。

點解佢哋有個咁嘅名?佢哋用身體嘅特徵展示我知嘅。

大花身上嘅花紋花花斑斑,Perry 就因為好似Fred perry 有兩條嘢。

之前仲有隻鴿,連腳趾都生滿毛,身上又係有Fred perry兩條嘢。而佢肥啲,我叫佢做fat perry。
有一隻就啡啡地色,又有隻白色。

佢哋仲有不同性格,大花好霸道,唔俾fat perry 靠近,有時仲會打起來添。五隻鴿都不同性格。

I’m a vegan,動物是我的朋友。鴿子也是!好想佢哋喺到成家立室生鴿蛋,哈哈!

家中小貓一見到兩鴿來訪,都會叫主人一同看來。
家中小貓一見到兩鴿來訪,都會叫主人一同看來。

Comments

comments

NO COMMENTS